ठाणे प्रतिनिधी : कल्याणमध्ये एका परप्रांतीयाने आणखी एका मराठी कुटुंबाला मारहाण केल्याची घटना घडली आहे. पांडे असं या परप्रांतीयाचं आडनाव आहे. त्याच्या पत्नीनेही मराठी कुटुंबाला मारहाण केली आहे. या प्रकरणी मानपाडा पोलीस ठाण्यात गुन्हा दाखल करण्यात आला आहे.
एका नऊ वर्षीय मुलीचा विनयभंग केल्याचा प्रकार समोर आल्यानंतर मराठी कुटुंबाने जाब विचारला त्यावेळी पांडे याने त्याच्या पत्नीने या मराठी कुटुंबाला मारहाण केली. या प्रकरणी पांडे पती-पत्नीविरोधात गुन्हा दाखल करण्यात आला आहे. पांडे पती पत्नीच्या या मारहाणीत एक मराठी तरुण जखमी झाला आहे. या तरुणीच्या पत्नीला आणि आईलाही या दोघांनी मारहाण केली. ही संपूर्ण घटना सीसीटीव्हीत कैद झाली आहे. यामध्ये पांडे पती पत्नी हे मराठी कुटुंबाला कशी मारहाण करत आहेत ते दिसून येतं आहे.
मानपाडा पोलीस ठाण्याच्या हद्दीत एका इमारतीत दोन कुटुंबामध्ये वाद निर्माण झाला होता. मुलांच्या खेळण्यावरुन हा वाद झाला. त्यामध्ये एका अल्पवयीन मुलीचा विनयभंग केला अशी तक्रार तिच्या आई वडिलांनी केली. आम्ही आई वडिलांच्या तक्रारीनंतर गुन्हा दाखल केला आहे. मुलीच्या आई वडिलांनी जाब विचारला तेव्हा त्या परप्रांतीय कुटुंबाने मारहाण केली. पांडे पती पत्नीच्या विरोधात आम्ही तक्रारीनंतर गुन्हा दाखल केला आहे.
