चिपळूण (श्रीकांत कांबळी) : मुंबई गोवा हायवे चे काम गेले अनेक वर्ष संथ गतीने सुरू आहे. त्याचा फटका यावर्षीही मुंबईसह इतर शहरातून कोकणात येणाऱ्या चाकरमान्यांना बसणार आहे. मुंबई-गोवा महामार्गावर पावसामुळे ठिकठिकाणी खड्ड्यांच्या साम्राज्याचे जाळे पसरल्याचे दिसून येत आहे. त्यामुळे चाकरमान्यांना कसरत करीत प्रवास करावा लागणार आहे. तसेच रस्त्यांची अवस्था पाहता अपघाताची शाश्वती टाळता येत नाही. चिपळूण मधील सामाजिक कार्यकर्ते यांनी त्यावर आवाज उठविला असता सार्वजनिक बांधकाम विभाग व हायवे ठेकेदार यांच्याकडून तात्पूर्ती मलमपट्टी केली जाते. मात्र पुन्हा खड्डे पडल्यामुळे नागरिकांमधून प्रशासन व बांधकाम विभाग यांच्या विरोधात संताप व्यक्त होत आहे.
