गुहागर [उदय दणदणे] : महावितरण कंपनी अधिकारी व कर्मचारी यांच्या हलगर्जीपणा मुळे गुहागर तालुक्यातील पालशेत बाजारपेठ येथील सत्यवान भायनाक कुटुंबियांना गेले काही दिवस घरचा विद्युत प्रवाह बंद असल्याने अंधारात राहावे लागत आहे. त्यांच्या घरा शेजारील दिपक शिरगावकर यांच्या दुकानासमोरील रस्त्यानजीक असलेल्या वीज खांबावर स्पार्क होत असल्याने तसेच सदर वीज खांब जीर्ण अवस्थेत असल्याने येथील लाईनमन यांना वीज खांबावर चढून काम करणे धोकादायक बनले आहे, सदर समस्या भायानक यांनी पालशेत मनसे विभाग अध्यक्ष प्रसाद विखारे यांना सांगताच सदर बाबत मनसेचे पालशेत विभाग अध्यक्ष प्रसाद विखारे यांनी महावितरण कंपनी पालशेत व्यवस्थापक तसेच उपअभियंता गुहागर यांना फोन द्वारे तात्काळ सदर घटनेची माहिती देऊन सदर धोकादायक वीज खांब त्वरीत बदलण्याची मागणी केली आहे.
