चिपळुण (राधा लवेकर) : चिपळूणात ‘हिट अँड रन’ ची घटनां समोर येत आहे. सदरचा प्रकार आज मंगळवार दिनांक ०५ ऑगस्ट २०२५ रोजी संध्याकाळी आठच्या सुमारास कावीळ तळी येथे घडलाआहे. राष्ट्रवादी काँग्रेस (अजित पवार गट) नेते जयद्रंथ खाताते ह्यांच्या मुलाने भरधाव कारने एका वृद्ध पादचार्याला जोरदार धडक दिली. या अपघातात रमेश कळकुट्टी (वय 50) यांचा जागीच तडफडून मृत्यू झाला आहे. अपघातानंतर कारचालक पळून गेला. घटनास्थळी मोठ्या प्रमाणात नागरिकांची गर्दी झाली होती. या घटनेमुळे परिसरात संतापाची लाट उसळली आहे. अपघातग्रस्ताला मदत करण्याऐवजी चालक पळ काढत असल्याने “राजकीय नेत्यांच्या मुलांना कायद्याचा धाक नाही का ? असा प्रश्न उपस्थित होत आहे. पोलिसांनी आरोपी चालकाला तात्काळ अटक करावी अशी मागणी नागरिकांमधून होत आहे. नागरिकांनी अपघातानंतर काही काळ रस्ता रोखून निषेध व्यक्त केला. याप्रकरणी पोलिसांनी गुन्हा दाखल करण्याची प्रक्रिया सुरू केली आहे. सदरच्या घटनेचं अधिकच तपास पोलीस करीत आहेत.
