रत्नागिरी प्रतिनिधी : जिल्हा परिषद रत्नागिरीच्या मुख्यालयाच्या २९ व्या वार्षिक स्नेहसंमेलनाची क्रीडा स्पर्धानी सुरुवात झाली.. यावेळी मुख्य कार्यकारी अधिकारी श्री कीर्तिकीरण पुजार यांनी श्रीफळ वाढवून या स्पर्धांची सुरुवात केली. यानंतर गतवर्षीच्या सर्वोकृष्ट क्रीडापटू सनील उकार्डे आणि साईस्वरूप मांडवकर यांनी क्रीडाज्योत व ध्वज सांस्कृतिक मंडळाचे अध्यक्ष श्री.दिनेश सिनकर यांच्याकडे सुपूर्द केला. यानंतर क्रीडाज्योत प्रज्वलित करण्यात आली.. कॅरम स्पर्धेने या स्पर्धांची सुरुवात झाली. ‘कामासोबत शारीरिक तंदुरुस्ती ठेवणे गरजेचे आहे. त्यासाठी खेळ हा उत्तम पर्याय आहे ‘ असे मनोगत पुजार सर यांनी व्यक्त केले. यावेळी अतिरिक्त मु.का.अ. श्री.परीक्षित यादव , उपमुख्य कार्यकारी अधिकारी (सा.प्र.वि) श्री.विजयसिंह जाधव, खातेप्रमुख व कर्मचारी उपस्थित होते.
