मुंबई प्रतिनिधी : राज्यात सागरी क्षेत्रात होणारी अवैध मासेमारी, घुसखोरी रोखण्यासाठी ‘ड्रोन देखरेख प्रणाली’चे उद्घाटन मत्स्यव्यवसाय व बंदर विकास मंत्री नितेश राणे यांच्या हस्ते करण्यात आले. या ड्रोन प्रणाालीमुळे ७ जिल्ह्यातील ९ सागर किनाऱ्यांची सुरक्षा आणखी मजबूत होणार असल्याचे त्यांनी सांगितले. यावेळी आमदार मनीषा कायंदे, कृषी व पदुम विभागाचे सचिव रामास्वामी एन, मत्स्यव्यवसाय आयुक्त पंकज कुमार, सागरी सुरक्षा पोलीस उपायुक्त अश्विनी पाटील, मत्स्यव्यवसाय सह आयुक्त महेश देवरे, मत्स्यव्यवसाय उपायुक्त हृता दीक्षित यासह सात ठिकाणी उपस्थित असलेले मत्स्य व्यवसाय विभागाचे अधिकारी दूरदृश्य संवाद प्रणालीद्वारे उपस्थित होते.
