मुंबई ,केतन भोज : क्रांतिज्योती सावित्रीबाई फुले यांच्या जयंती दिनाचे निमित्त साधून आज साकीनाका येथील सावित्रीबाई फुले शाळेतील मुलींनी मराठी शाळा वाचवण्याचा नारा दिला. हातात फलक घेत मुलींनी यावेळी शासनाकडे मराठी शाळा वाचवा अशी मागणी केली. साकीनाका येथील सावित्रीबाई फुले ही मुलींची शाळा असून 1984 साली तिची स्थापना केली . त्यावेळी शाळेची तीन हजार पट संख्या होतो. शासनाचे मराठी शाळांकडे दुर्लक्ष्य होत असल्याने आज सर्वच मराठी शाळांची दुरवस्था झाली आहे. प्रत्येक मराठी शाळांची पट संख्या कमी होत आहे. साकीनाका येथील सावित्रीबाई फुले या शाळेत यावेळी 185 मुली शिक्षण घेत आहेत. एकीकडे मराठी भाषेला अभिजात दर्जा मिळाला असतात दुसरीकडे मराठी शाळांची पडझड होत आहे दुःखाची बाब आहे. मराठी शाळा टीकल्याच पाहिजे या मागणीसाठी आज आम्ही सावित्रीबाई फुले जयंती दिनी ही मागणी केल्याचे शाळेच्या संचालिका ज्योती सुभेदार यांनी सांगितले.
